Storm Duo

Storm Duo består av to drivande, allsidige akkordeonistar: Kristina Farstad Bjørdal fra Tennfjord utanfor Ålesund i Norge, og Asta Soffia Thorgeirsdottir fra Húsavík på Nord-Island. Dei er klassisk utdanna fra NMH, DKDM og die Musikhochschule Freiburg, i tillegg til å være oppvaksne omgitt av trekkspel- og dansemusikktradisjonen på sine heimplasser.

Storm Duo spelar mykje forskjellig musikk. Frå ny musikk, barokkmusikk, romantisk musikk, russisk trekkspelmusikk, underhaldningsmusikk, tangoar og islandsk og norsk folkemusikk.

Dei er på jevnlege turnear i Noreg og på Island, i tillegg til at dei opptrer på festivalar og konserterar året rundt. Storm Duo har vore gjest i NRK Radio og radioprogrammet Víðsjá på Rás1 (Den Islandske Rikskringkastinga).

Med bredt sitt breie repertoire kan Storm Duo skreddersy det musikalse programmet sitt, noko som gir moglegheita til å velge musikk som passar til ei rekkje anledningar.

Tidligere kommentarar frå publikum:
«Det er som gnistene fyker i samspelet!» og «Kristina er akkordeonets svar på Brahms, medan Asta er Wagner. Dykk har ein individuell stil med sjel, som også fungerer utruleg godt saman!»

Om programmet

Storm Duo likar å ha eit gjennomtenkt samanhengande program og som viser breidda til instrumentet. Repertoaret har vorte sett sammen av musikk duoen elskar å spele. Programmet startar med Holbergsuita som vart skrive i barokkstil med Storm Duo sin karismatiske og særeigne interpretasjon med innslag av folkemusikk, og på den måten blir det laga ei bru over til konsertens barokkdel. Det er jo veldig artig å seie at ein skal gå “Frå Holberg til Goldberg”, der Asta framfører Goldberg Variasjon No.I. I duoen er forkjørleiken stor for Rameau som komponist, og det framførast repertoar frå hans operaer, der han var ein gründer. Spesielt orkestersatsane frå desse operaene er godt eigna for akkordeon, der andedraga og dynamikken i musikken skin fint gjennom. Det fine med desse satsane er at det er programmusikk, og kan formidlast med eigen karakter og skape bilete i hovudet til publikum. Det er fint å bruke denne programmusikken som overgong til Griegs Morgenstemning, som også er eit særs illustrerande verk. Grieg komponerte ofte inspirert av folkemusikk, noko Ronny Kjøsen også har gjort i “Northsea Stories”. Ronny har her tatt utgongspunkt i kvinneskjebner og folkemusikk frå landa rundt Nordsjøen, og Storm Duo føler seg heime i formodlinga av satsane “Mor” som skildrar mødrene som venta heime når fedrene, sonane og mennene skulle på sjøfart, “Med draumar dei same som dine” skildrar

Raia frå Rotterdam, og “Ein einaste rein tone” som er basert på polka frå Sønderhoning og korleis festane var der. Øystein Hauge har laga illustrerande tekstar til satsane, som framførast. Festsatsen frå Sønderhoning leiar publikum over i ein annan type fest og lidenskapsmusikk, nemlig tango. “Hommage a paco” er ein hyllest til Astor Piazzolla skrive i samtidsstil av Franck Angelis. For å sette eit utropsteikn ved det heile, framfører Storm duo tangoen “Escualo” av Astor Piazzolla som avslutningsnummer.